مرحبا بكم في الاجزخانة، النهاردة هنحاول نخلص اخر جزء في السكر فا يلا بينا .
احنا اخدنا كل الأدوية اللي بنستخدمها مع مريض type 2
طيب هل كده وخلاص نعالج المريض طبعا لا لازم:-
نظبطله الأكل:-
الكربوهيدرات:-
▪️لازم وجبة الكربوهيدرات تكون ثابتة كل يوم وتقريبا بتمثل ٥٠% من الوجبة.
▪️بنستهلك في اليوم الواحد اقل من ٢٥ جرام من السكروز او ما يساويه من السكريات.
▪️بنوزع كمية الكربوهيدرات علي طول اليوم -يعني مفيش مريض يتنصح ويقول انا مش هاكل اي نشويات خالص النهاردة وهروح اكل بقي في الفرح واخربها- ماينفعش طبعا.
الدهون:-
▪️طبعا دا اكتر حاجة ممكن تزود حدوث الوفيات عشان هتزود من خطورة CVD.
▪️هنقلل كمية الدهون تقريبا بنسبة ٢٠-٣٥%.
▪️بنستخدم دهون مشبعة بنسبة ١٠%.
▪️وبنستخدم ١٠-١٥% من الدهون غير المشبعة الأحادية.
▪️كمية الكوليسترول ال هناخدها في اليوم الواحد بتكون اقل من ٣٠٠ مللي جرام.
البروتينات:-
▪️اكل البروتين مفيد جدا عشان بيزود الحساسية بتاع الأنسولين للكربوهيدرات، بالتالي هيكون تأثيره احسن.
▪️مرضي السكر اللي عندهم مشاكل في الكلي بتكون كمية البروتينات لا تتجاوز 0.8g/kg/day
الألياف:-
▪️طبعا عارفين ان الألياف مش بتتهضم في جسمنا عشان كده هي بتزود الشعور بالشبع.
▪️بتاخر هضم وامتصاص الكربوهيدرات.
▪️بتقلل امتصاص الدهون.
الأملاح:-
كمية الملح اللي مسموح بها في يوم واحد تكون اقل من ٢.٣ جرام.
الرياضة:-
▪️بتزود حساسية الأنسولين.
▪️بالتالي هتقلل الجرعة بتاع الأنسولين اللي محتاجها.
▪️هتقلل خطورة CVD عشان هتقلل الكوليسترول والضغط وكمان هتخس.
الرياضة لطفل عنده سكر:-
هيعمل رياضة علي الاقل لمدة ساعة واحدة كل يوم
الرياضة لبالغ عنده سكر:-
هيعمل رياضة علي الأقل لمدة ١٥٠ دقيقة متوزعة علي اسبوع بشرط لازم مايعديش يومين من غير تمرينات يعني هتمشيها يوم ويوم.
لازم اي شخص عنده سكر مايقعدش كتير، كل نص ساعة يقوم يتمشي شوية في الصالون حوالين المكتب يطلع دور او ينزل وهكذا.
️ لو مريض معندوش اي مشاكل تانيه هيعمل تمرينات اسمها "Resistance Training" ودي بتشمل تمارين الوزن والاطالة علي الاقل مرتين في الأسبوع.
لو مريض type 1 ومش متحكم في مستوي السكر بتاعه ده هيزود من اثار hyperglycemia لو لعب رياضة ليه 🤔
عشان عملية تكسير الجليكوجين وتكوين الجلوكوز هتكون نشطة في غياب الأنسولين.
عملية تكسير الدهون هتكون شغالة كمصدر بديل للطاقة.
بعد الاكل قوم اتمشي لمدة ٥ او ١٠ دقايق ده هيحسن من امتصاص الجلوكوز.
عزيزي المريض المدخن لازم توقف تدخين عشان مشاكل CVD، وكمان مفيش اي دليل بيقول ان السجاير الالكترونية مش مضرة يعني هتبطل هتبطل، طيب مش قادر.
يبقي هتاخد دوا من دول وظيفته انه مايخلكش عاوز سجاير.
دواء ️Varenicine:- ده بيقفل مستقبلات النيكوتين في المخ فا مايخلكش عاوز نيكوتين وكمان بيقلل من الاعراض المصاحبة لتوقف التدخين.
دواء Bupropion:- بيزود مستوي بعض النواقل ذي الدوبامين و النور أدرينالين، فيقلل من اعراض الإنسحاب.
سمعت مسلسل Sherlock كان بيستخدم لزقة نيكوتين عشان مايشربش سجاير تقدر تستخدمها برده.
كده خلصنا كل حاجة ليها علاقة بمريض سكر type 2، ندخل بقي علي مريض type 1 وشوية معلومات بسيطة كده:-
مريض type 1 مش بيتعالج غير بحقن الأنسولين وبتكون اكثر من مرة في اليوم.
عندنا اكتر من نوع للحقن دي:-
▪️rapid acting insulin:-
Lispro/ Aspart/ Glulisine.
▪️short acting insulin:-
Regular insulin.
▪️intermediate acting insulin:-
NPH (protamine lispro).
▪️long acting insulin:-
Degludec/ Detemir/ Glargin.
بنستخدم rapid acting عشان مخاطر حدوث hypoglycemia قليلة.
الجرعة غالبا ما بتتحدد علي حسب كمية الكربوهيدرات اللي بتتاكل.
فيه نوع اسمه premixed insulin:-
ودا بيكون مزيج من نوعين Rapid or Short + Intermediate، الأول بيظبط السكر اثناء الاكل والتاني بيظبط السكر مابين الوجبات.
اول دوا اتعمل بقي ما بين rapid + Long هو insulin degludec/insulin aspart دا بيكون موجود في صورة اقلام بيكون عبارة عن ٧٠ وحد من ديكلوديك مع ٣٠ وحدة من اسبارت.
طيب regular insulin +NPH نقدر نحفظها في التلاجة لمدة ١٤يوم وفي الرف لمدة ٧ ايام بس.
اما بالنسبة Rapid acting insulin مجرد ما تخلطهم مع نوع تاني لازم يتاخدوا في وقتها علي طول.
اما بالنسبة ل Glargin &Detemir نش بنخلطهم مع انواع تانية.
جرعة Glargin بتختلف علي حسب نوع المرض:-
▪️type 1:- 1/3 of total dose once daily.
▪️type 2:- 0.2/kg or up to 10 units once daily.
حقنة Glulisine بتتاخد قبل الاكل ب ١٥ دقيقة او خلال ٢٠ دقيقة من بداية الأكل.
حقنة Degludec:-
▪️هي من نوع long acting insulin ولكن مخاطر حدوث hypoglycemia قليلة.
▪️بتدي تأثير خلال ٣٠-٩٠ دقيقة
▪️بتستمر لمدة ٤٨ يوم مالهاش peak.
▪️بتتاخد تحت الجلد عادي، وكمان هي ليها تأثير قوي وثابت علي الجلوكوز.
Comments
Post a Comment
اكتب تعليق حول الموضوع