السؤال ده إتكرر كتير من معظم مرضي ضعف عضلة القلب.
ضعف في عضلة القلب : معناه إنه حصل إجهاد في العضلة ومبقتش بتقوم بوظيفتها الطبيعية ونتيجة لده طبعا بيظهر علي المريض أعراض كتير وأهمها تورم في الجسم كله ........طيب
هل المريض له دور المفروض يقوم بيه؟
وكمان إيه دور الطبيب المعالج؟
في الفترة الأخيرة حصل طفرة في علاج القلب وطبعا تقدم الأبحاث عندنا يحسب لينا لانه أصبح عندنا أدوية تساعد القلب عشان يرجع يقوم بوظيفته كاملة والمريض يعيش حياة طبيعية وبناءاً عليه العلاج الدوائي يوصف لكل مريض بحكمه حسب حالته العامه والتاريخ المرضي ليه وفي حالات بيحصل ليها إلتهاب فيروسي في عضلة القلب بيكون نتيجته ضعف في العضلة وفي حالات بتتحسن وعضلة القلب بترجع تعمل بكفائتها الطبيعية وحالات تانيه بيستمر معاها ضعف عضلة القلب ودي الفئة من المرضى اللي بنضطر نوصف ليها أدوية من الضروري أنها تستمر عليها مدي الحياة.
بالنسبة للمريض له دور يقدر يساعد نفسه بيه ومهم طبعا وهو بيتلخص في إتباع شوية نصايح من الطبيب المعالج
* تقليل الملح والدهون في الأكل وزيادة الخضروات والفاكهة.
* زيادة المجهود بشكل تدريجي ومش معني إنك عندك ضعف في عضلة القلب إنك متعملش مجهود خالص.
* مراجعة الطبيب قبل إستخدام أي أدوية خاصة المسكنات.
* الإنتظام في علاج السكر والضغط والكوليسترول إن وجد.
ملحوظه مهمة
✔ متابعة الوزن هامة ...لأنها بتكون مؤشر للشفاء.
No comments:
Post a Comment
اكتب تعليق حول الموضوع