كلكم تعرفون اهمية فيتامين د٣ بشكل عام وبالخصوص بهذا الوقت نستفاد منه لتقوية جهاز المناعة وتقويه شعر ويمنع تساقط.
لكن هواي ناس ماعدها علم بالجرعة اليومية وشلون ياخذوه.
طبعا هواي يجون مرضى مسوين تحليل فيتامين د٣ وطلع عدهم نقص وماخذين علاج لمدة ٣ اشهر وبعد ما عادوا التحليل مافرق عدهم غير زيادة جدا بسيطه.
طبعا وره ما اتحقق منهم شلون جنتوا تاخذون الكبسولة يكولون ويشربه ويه المي او ويه العصير وهنا تكون المشكلة.
مثل متعرفون يعتبر فيتامين د٣ من الفيتامينات الذائبه بالدهون وهذا يعني بانه يحتاج وسط دهني داخل الامعاء حتى يساعد على امتصاصه واذا ماكو وسط دهني كأن يكون شربناه ويه مي او عصير مراح يصيرله امتصاص وينطرح ويه الخروج...
فهنا تكون الطريقة الصحيحة لاخذ فيتامين د٣ اما يكون ويه الوجبه الرئيسية الي عادة تكون دسمه كوجبة الغداء ، او الاشخاص الي مبتعدين عن الدهون الافضل الهم يشربون الكيسولة ويه كلاص حليب كامل الدسم...
مهم جدا.... الاشخاص الي ياخذون كبسول منحف الي هوه xenical او orlistat الافضل يخلون وقت بينه وبين الد٣ وقت اقل شي ساعتين.
No comments:
Post a Comment
اكتب تعليق حول الموضوع