هل تعلم الفيتامينات تقسم الى
فيتامينات تذوب في الدهون حتى يصير لها امتصاص ولي تشمل فيتامين
A
K
E
D
اجمعهم بكلمة اكيد
حتى ماتنساهم
الفيتامينات لي تذوب في الماء حتى يصيرلها امتصاص
B
C
اجمعها بكلمة بس حتى تحفظها
اليوم احب احجيلكم عن المنحفات
لي راح اگوله هو حسب تصريح منظمة الصحه العالميه للغذاء والدواء
انطت تصريح بصرف orlistat فقط كمنحف أما غيره فهو مامصرح بيه لان البعض يستخدمون الميتفورمين وهالشي كلش خطأ
orlistat
اسماء تجاريه هواي منها xenical وonlefit وغيرها من الاسماء التجاريه
لكن لي مشهور هو زنيكال بأعتباره brand
شغل هذا المنحف شنو
يقلل امتصاص الدهون لي موجوده بالاكل يعني اذا أكلك دسم أخذ منه واذا عادي اكله بسيطه لاتاخذ منه
ينطي قبل الوجبات لي بيها دهن بفارق نص ساعه او بعد ماياكل الوجبه الدسمه وراح يشوف انو الخروج مالته يصير دهني وهالشي دلاله على انو الدهون ماراح تمتص بفعل هالدواء وماراح تسبب سمنه
لكن مشكلته شنو
مو بس راح يقلل امتصاص الدهون إنما يقلل امتصاص الفيتامينات لي تذوب بالدهون
ولي كلناهن فوك مجموعات بكلمة اكيد
وذني مثل مانعرف كلش مهمات بالمناعه ولهواي امور مهمه لجسم
لذلك اي شخص يأخذ زنيگال orlistat
لازم ياخذ فيتامينات المتعدده
بفارق اربع ساعات من الكبسول
Comments
Post a Comment
اكتب تعليق حول الموضوع