خطر الشتاء على مرضى القلب!

درجة حرارة الجسم لما بتقل عن 37° بيزيد معاها خطر الإصابة بالأزمات القلبية المفاجئة!

برودة الجو بتسبب ضيق في الشرايين وفي نفس الوقت ضربات القلب والضغط عليه بيزيد علشان يحافظ على درجة حرارة الجسم ثابتة عند 37°.

فالبتالي الناس اللي عندهم مشكلة في القلب بيكونوا أكتر الأشخاص المعرضة للأزمات القلبية أو قصور الشرايين أو حتى السكتات الدماغية.

نسبة الإصابة بالأزمة القلبية بتزيد بنسبة 7% بس في فصل الشتا، وكل ما قلت درجة حرارة الجسم درجة واحد بس بيزيد معاها خطر الإصابة بالنوبة القلبية بنسبة 2%.

مين أكتر أشخاص الشتا خطر عليهم؟

1- الأشخاص المدخنين.

2- الأشخاص اللي اتعرضوا قبل كده لأزمة قلبية أو سكتة دماغية.

3-  الأشخاص اللي سنهم أكتر من 70 سنة وعندهم مشاكل في القلب والأوعية الدموية.

4- الأشخاص اللي عندهم مشاكل في القلب الأوعية الدموية زي ارتفاع الضغط المزمن والذبحة الصدرية وقصور الشرايين التاجية.