دواء ال Xenical ( زينكال) الي يستعملوه الكثير من الناس للتنحيف ..

 اشلون يشتغل هذا الدواء  ؟ اشوكت يصير ناخذة واشوكت لا ؟ وشنو طريقة استعمالة واثارة الجانبية؟  .. 

 طريقة العمل

هذا الدواء يعمل على ايقاف الانزيم المسؤول عن تكسير الدهون الثلاثية .. وبالتالي يمنع امتصاصها 

من هذا نفتهم انه الدواء يمنع امتصاص الدهون فقط وبالتالي مراح يفيد الا اذا جان وياه  رياضة مستمرة و #اكل صحي بدهون قليلة لان الدواء راح يمنع امتصاص 30% فقط من الدهون المتناولة .

 اشوكت نكدر  نستعملة ؟ 

حسب المصادر يكولون لازم نقيس ال BMI " معادلة مشروحة بالصورة  خاصة بالوزن المثالي" اذا جان ٣٠ وفوك او اذا ٢٧ بس المريض وياها عندة ضغط او سكر او زيادة بالدهون . 

وكذلك الملاحظة المهمة انه نبدي باقل الجرع الموجودة ونزيد بالتدريج حتى نقلل الاعراض الجانبية .

 الاعراض الجانبية 

غازات ، خروج دهني ، يأثر عالكبد ، عالكلى وكذلك يسبب نقص بالفيتامينات الذائبة بالدهون  ,VIT A, D, E ,K

ولذلك ننصح مستخدمي العلاج باخذ مكملات غذائية تحوي هذا الفيتامينات الضرورية مع العلاج .

 طريقة الاستعمال 

يؤخذ قبل الوجبات الاساسية التي تحوي على الدهون قبل او خلال  او بعد ساعة من الاكل بمعدل ثلاثة مرات يوميا ، وفي حالة وجود وجبات لا تحوي على الدهون يكون الدواء غير مفيد ولا ننصح باخذه ، كذلك  المريض اذا مماخذ وجبة الطعام ننصح بعدم اخذ الجرعة المخصصة لهذا الوجبة وهكذا . 

النصيحة الي نكدر نقدمها انه ماكو دواء ما بي اعراض جانبية ومشاكل وهذا الدواء هوة مكمل للرياضة والاكل الصحي لانقاص الوزن وميفيد لوحدة  ومثل مشفناه ميصير ينصرف  الا بحالات زيادة الوزن المفرط ضمن حد معين للتقليل من مشاكله ، والعلاج الاساسي والمتبع عالميا هوة بالرياضة والحمية الغذائية .