حالة معروف أنها SLE. .د الألفي حكي لنا أن ال Presentation بتاعها أول ما جت كان أنها (قاطعة الكلام )..واتضح إن ده من ال 

Pshycatric manifestations of lupus

..

حالة مع د حافظ  أتشخصت أنها Takaysu ودلوقتي جايه متابعة بس د حافظ قال للنايب يحكيلنا ال Presentation  بتاعها بدأ ازاى 

أول حاجة بدأت معاها هو تنميل في دراعها الشمال! بس ...متخيل ؟

وبعد كده جالها  syncopal attacks 

طبعا أي حالة syncope الناس بتشك في cardiac. .اتعمل لها إيكو طلع normal. .فواحد بيقول للدكتور حافظ كل الناس هتعمل إيكو ولما يطلع normal بتقف علي كده والحالة كانت هتعدي. .د حافظ قال له لأ. .التفكير السليم أنك دورت كارديو ملقتش. .يبقي تدور vessel ولا إيه 

...

شاب في كلية الهندسة الموضوع بدأ معاه بمشاكل في الأنف وكان دايما ماشي علي Otrivin. .في مرة دخل نام صحي لقي عنده عدم اتزان في الحركة ataxia ..بعد كده جاله التهابات في ودنه الشمال كانت بتحمر وراح لدكاترة أنف وأذن كتير ولما سمعه بدأ يتأثر في ناس حقنته استرويد واتحسن عليه بعد شوية جاله dysnea و stridor راح لدكتور الأنف وأذن قال لازم يتعمل له tracheostomy ..وهو ده اللي جاي بيه دلوقتي بالإضافة لالتهابات في عنيه. .وبالفحص. ودنه الشمال زي الصورة دي كده ..مفيش cartilage خالص ..يدوب النايب خلص الهستوري من هنا وأنا متوقع إن الحالة بقي هيبقي فيها كلام كتير لقيت د حافظ قال كلمتين بس 😃

 دي polychondritis 

بالمناسبة علشان عارف ان في ناس عقولها ضيقة المرض ده بيتشخص كلينكال وعلى كل ال criteria فهو polychondritis ..مرض بياخد ال cartilage بتاعة الأنف والأذن والأخطر بتاعة ال trachea زي ما حصل هنا 

النايب بيسأل د حافظ طيب ليه منفكرش في wegener ؟قال له أنت عارف إني أكتر واحد بحترم أي DD ..دور براحتك وأعمل له CT مفيش مشكلة خالص ..بس أنا مش عاوز الحالة تتوه منك..دي polychondritis سواء معاها حاجة تانية أو لأ ..وقال كلمة تكتب بماء الذهب 

If you miss the Key you miss the case 

والكلمة دى فكرتني بالكلمة اللي الدكتور الألفي دايما يقولهالنا نقلا عن د صلاح إبراهيم رحمه الله 

(كل حالة ليها مسكة..لازم تعرف الحالة دي مسكتها منين والا هتتوه )

بفكركم بمرور د الألفي بكره وكل يوم تلات بمستشفى سيد جلال الدور الحادي عشر من الساعة 2 الظهر لحد العشا والحضور مفتوح للجميع