حساسية الأنف و التهاب الجيوب الأنفية؟
ايه ده هو في فرق اصلا... اكيد في فرق
حساسية الأنف بتحصل نتيجة لرد فعل الجهاز المناعي لبعض مسببات الحساسية، مثل حبوب اللقاح أو الغبار أو وبر الحيوانات الأليفة و غيره من مسببات الحساسية المختلفة (تنفسية او اطعمة).
إنما التهاب الجيوب الأنفية بتحصل لما تصاب الممرات الأنفية بالعدوى.وتصبح ملتهبة، غالبًا ما يسببها الفيروسات، و يتراكم المخاط ويؤدي إلى الانسداد.
بس في الحالتين بيحصل التهاب الأنف و احتقانها
طيب ازاي اقدر افرق بينهم و خصوصا ان حساسية الأنف مش مرتبطة بسن معين و ممكن تحصل في اي وقت الرغم من أنها تميل إلى الظهور أثناء الطفولة.
لو كنت تعاني من حساسية الأنف فغالبا هتشتكي من الأعراض دي
سيلان في الأنف وعطاس.
عيون دامعة أو حكة.
صفير
ولو كنت تعاني من التهاب الجيوب الأنفية، فممكن إلى جانب انسداد الأنف يكون عندك
مخاط سميك وملون.
ألم وتورم حول جبهتك، وعينيك، وخديك
صداع أو ألم في أسنانك.
مخاط ينتقل من مؤخرة أنفك إلى حلقك.
رائحة فم كريهة.
سعال والتهاب الحلق.
إعياء و حمى خفيفة.
طبعا التشخيص بيكون عن طريق الطبيب
عن طريق الفحوصات المختلفة🩺 و التاريخ المرضي و التحاليل و معرفة مسببات الحساسية المختلفة في حالة حساسية الأنف.
علي الأساس ده بيتحدد العلاج المناسب لكل حاله
علاج حساسية الأنف
معرفة مسببات الحساسية المختلفة سواء اطعمة أو أسباب تنفسية عن طريق اجراء اختبارات الحساسية سواء وخز للجلد أو عن طريق الدم و العلاج بامصال الحساسية القياسية
الي جانب مضادات الهستامين ، ومزيلات الاحتقان، والبخاخات الأنفية الكورتيكوستيريدية و البخاخات المالحة.. طبعا بفضل الله بعد التحسن بالامصال بيتم تقليل جرعة الدواء أو وقفها نهائيا .
علاج التهاب الجيوب الأنفية
استنشاق البخار، بخاخات مالحة للحفاظ على نظافة الأنف ، بخاخات الستيرويد و لو كان هناك عدوى بكتيرية ، يصف الطبيب المضادات الحيوية.
Comments
Post a Comment
اكتب تعليق حول الموضوع