حسبي الله ونعم الوكيل في كل واحد شوه صورة البروتين الغلبان دا
👉👉👉👉👉👉👉CRP👈👈👈👈👈👈👈
اللي يكرهه عشان بياخد حقن طويل المفعول😔
واللي بيكرهه عشان عنده سخونية😓
دا حتى سموه تحليل الكورونا😏
بجد بالنيابة عنكم بتقدم بخالص الأسف لهذا البروتين المظلوم
🙏🙏🙏🙏🙏🙏🙏🙏🙏🙏🙏🙏🙏🙏🙏
وتعالوا نعرف حكايته هل هو مذنب فعلا ولا مجنى عليه
أولا هو له ما له وعليه ما عليه😁😁
هو اسمه
C-Reactive protein
العالم كله مكانش يعرف حاجه اسمها CRP لحد سنة 1930 يجي العالم تيليت ويكتشفه وقالهم (اليوم اكتشف بروتين ضار جدا تفرزه خلايا الجسم) وقام مشوووح بإيده كدا🤚
وبعدين عرفوا إنه بروتين عادي جدا افرازه
سامعك ياللي بتسأل هما ليه سموه كدا
بروتين سي المتفاعل CRP
Ce Risk Protein
سي جايه من سي السيد (بيعظموه)
ريسك يعني خطر لانهم خايفين منه
بروتين لانه بروتين عادي
اي انت صدقت 😂😂😂
لا ياعم دا سموه كدا لأن أول مرة يتعرفوا عليه كمادة في سيرم مريض كان عنده إلتهاب حاد
وهي متفاعله مع انتجين كربوهيدراتي
Carbohydrate antigen (C)
لميكروب المكورات الرئوية pneumococcus
فسموه بروتين متفاعل مع سي
CRP
اسمك اي
محمد وبيدلعوني بحمادة وميدو وحمودة وحمد وحمودي
بردو ال CRP له اسماء تانيه زي
👉 high-sensitivity C-reactive protein (hs-CRP)
👉 ultra-sensitive C-reactive protein (us-CRP).
👉 PTX1
👉 pentraxin-related
طيب خد ياص يا CRP ما قولك في التهم المنسوبة إليك او اقولك خد ياض انت فايدتك اي اصلا
يرد ال CRP ويقولك خد عندك
👈 بيتحد مع lysophosphatidylcholine اللي موجودة على سطح الخلايا المتدمرة او سطح بعض البكتريا (انا عارف انك مقريتش الكلمة الانجليزي عشان طويلة😉)
👈 بينشط complement system بتاع المناعة بردو
👈 تنظيم تخزين الدهون
👈 الرد المناعي للالتهابات
👈 الرد في الحالات الحادة
👈 تنظيم إفراز محركات الخلايا المناعية زي IL8
👈 بيكره البكتريا موجبة الجرام وبيرد رد مناعي قوي لها
👈 بيعمل opsonization حاجه كدا زي يسيب على الميكروب علامة عشان خلايا المناعة تتعامل معاه
👈 والغريب انه له علاقة بتنظيم قطر الاوعية الدموية
لذلك افرازه مهم
اووووووبس لا بجد متأسفين
يعني لو حد عنده CRP زيرو يبقى خطر ايوووووووا وسبحان الله مش هتلاقي دا ان واحد يكون
CRP negative zero
امال اي الحكاية بقى انت برجلت دماغي كدا معاه
بص هقولك كام سطر كدا حطهم حلق ف ودنك
👈 لو حصل اي إلتهاب أي إلتهاب أي إلتهاب أي إلتهاب أي إلتهاب أي إلتهاب أي إلتهاب أي إلتهاب أي إلتهاب أي إلتهاب الكبد هينتج CRP ويبدأ يزيد في الدم خلال ساعات
👈 ازاي فهمني
بص يا صاحبي الكبد عنده بروتينات كتيرة بيفرزها بكميات معينة
لو حصل إلتهاب
انواع من البروتينات اللي بيفرزها هيقلل انتاجها زي بروتين ال
Albumin
وعشان كدا بنسميه
Negative acute phase protein
وبردو هو هو الكبد عنده انواع من البروتينات اللي بيفرزها هتزيد مع الالتهابات زي بروتين
CRP
وعشان كدا بنسميه
Positive acute phase protein
امممممم
تقصد تقول يامحمد ياسليم ان ال CRP شبه سرعه الترسيب ESR
ايوووووووووا
وخد دي كمان والصفايح الدموية PLT زيه بردو
ايواااااااااا
ليه شويه خصائص ومميزات انه يقدر يتحد مع
👈 ايونات الكالسيوم calcium ions
👈 الدهون المنخفضة LDL
👈 المكمل المناعي complement
👈 البروتينات proteins
بص الجزء الجاي دا كله أرقام احفظها زي اسمك
👈 لو ال CRP طلع زيرو 0000000000
دي مشكلة ماحنا لسه قايلين انه بروتين وله وظايف بيعملها
👈 لو طلع مابين 0.1 -1 دا برنس دا طبيعي الطبيعي الطبيعي الطبيعي الطبيعي الطبيعي الطبيعي الطبيعي الطبيعي وتقوم تبوس المريض وتقوله اعمل مسلسل ف رمضان الجاي وكدا انت مش عليك خطورة بالنسبة للقلب والأوعية الدموية انت ف السليم
👈 لو طلع مابين 1 - 3 فكدا احنا في خطورة بدرجة متوسطة بالنسبة للقلب والأوعية الدموية
👈 لو طلع اعلى من 3 فكدا احنا في خطورة بدرجة عالية بالنسبة للقلب والأوعية الدموية
👈 لو طلع مابين 6 - 10 هنا هنقول
metabolic inflammation
زي مثلا تصلب شرايين زي سكر زي تدخين زي ضغط أي مشكلة ميتابوليك
👈 لو طلع مابين 10 - 100 دي الالتهابات البسيطة والمتوسطة زي
عدوى الجلد والتهاب المثانة والتهاب الشعب الهوائية
هنلاقي السي أر بي بعد 5-6 ساعه من 10-100 وبمعدل تضاعف كل 8 ساعات لحد ما يصل لقمة ارتفاعه خلال 36-50 ساعة
👈 لو طلع مابين 100-500 هنعتبره إلتهاب عدوى بكتيرية حاده
اظن مفيش اسهل من كدا
ركز معايا ف البوقين دول
👈 لو حصل مشكلة او التهاب ال CRP مطالب منه انه يزيد وهيبدا يرتفع في زمن أقله 5 ساعات ويصل لاقصى ارتفاع ليه بعد 48 ساعة
حلو اوووي
Dr
18:36
Comments
Post a Comment
اكتب تعليق حول الموضوع