👈الفطر الأسود Mucormycosis

عايز تعرف حكايته ركز معايا هنا 👇

👌أولاً دة مرض فطري نادر الحدوث للإنسان غير مُعدي من شخص لشخص أو من شخص لحيوان و يوجد الفطر في التربة و روث البهائم و السماد العضوي و السباخ.

👌ثانياً بينتقل للإنسان من خلال جزيئات الفطر المتطايرة في الجو و قد يصيب الجلد في حالة وجود جروح فيه.

👌ثالثا مش أي حد ممكن يتصاب بيه - فئات معينة هي الأكثر عُرضة و هم " مرضي السرطان ضعيفي المناعة ، مرضي زرع الأعضاء زي الكبد و الكلي ، مرضي نقص نسبة كرات الدم البيضاء أو زيادة نسبة الحديد في الدم ، مرضي السكر الغير المنضبط اللي عندهم مضاعفات منه ، المرضي اللي ب يستخدموا الكورتيزون بجرعات عالية و لمدة طويلة ، المرضي اللي مناعتهم ضعيفة لأي سبب و الأطفال المبتسرين ضعيفي الوزن و مرضي كورونا اللي خضعوا لعلاج مكثف بالكورتيزون و المضادات الحيوية الشديدة.

👌رابعاً بيصيب الرئتين و الجيوب الانفية و العين و الجلد و الجهاز الهضمي و علي حسب مكان الإصابة بتظهر الأعراض.

👌خامساً بيتم علاجه من خلال بعض الادوية المضادة للفطريات ولو الحالة شديدة جدا و غير مستجيبة للعلاج الطبي بيتم عمل جراحة لإستئصال الجزء المصاب و منع انتشاره لباقي أعضاء الجسم السليمة.

👌سادساً الفطريات عموما عايشة حوالينا في كل حتة و لا يمكن الوقاية منها غير بالحفاظ علي جهاز المناعة قوي و نشيط و دة ممكن يحصل من خلال " النوم الكافي ليلا ، الغذاء الصحي المتوازن ، البعد عن التدخين و الضغط العصبي و التوتر ، عدم استخدام الكورتيزونات أو المضادات الحيوية الإ في الضرورة القصوي و تحت إشراف طبي ، مرضي السكر يحافظوا علي نسبة السكر عندهم أقل من ٢٠٠ طول الوقت و يلتزموا بالعلاج بانتظام لمنع حدوث مضاعفات عندهم "

👌سابعاً بنؤكد إنه مرض نادر جداً و مش ب يصيب غير المرضي اللي مناعتهم منهارة تماما يعني لو مناعتك نص نص مش هتتصاب بيه ، لكن لو مناعتك واقعة خالص و اتصابت بيه نسبة الوفاة منه تتجاوز ٥٠%.

👌ثامنا بلاش رعب و التزموا بالنظافة الشخصية و الصحة العامة و التباعد و الكمامات و غسيل الأيدي و تجنب الأماكن المزدحمة.

👌تاسعاً متخليش المعلومة تقف عندك و اعمل لها مشاركة لتعم الفائدة ولك الأجر

Dr

3 June 2021

ع

18:33

علم التحاليل المخبرية