🌸 الكالسيوم الكلي و المتأين
🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲
👈 الفرق بين الكالسيوم الكلى والكالسيوم المتأين بالتفصيل الممل
الكالسيوم ٩٩٪ منه في العضم و ١٪ بس في الدم
الكالسيوم اللي في الدم له هيئتين
الهيئة الاولى
الكالسيوم الحر او الغير مرتبط او المتأين
Unbounded calcium
Ionized calcium
Free calcium
ودا نص كمية الكالسيوم تقريبا ٤٥ ٪
ودي الهيئة النشطة أو الفعالة metabolically active form
الهيئة التانية
الكالسيوم المرتبط وتقريبا النص
وهو اما مرتبط مع بروتينات زي albumin بصورة كبيرة او بصورة بسيطة مع globulins
بنسبة ٤١٪
أو مرتبط مع anions زي phosphate وكل الهيئات المرتبطة دي غير نشطة او غير فعالة
metabolically inactive
👈 معمليا أقدر اقيس
Total calcium
و
Free calcium
لان المعادلة عندي بتقول
Total calcium = free calcium + bounded calcium
نرجع بالزمن لورا لحصة أستاذ متولي بتاع الحساب، اذا استنجت من المعادلة دي انهم متغيرات فمفيش فاكتور ثابت عشان اقدر احسب قيمة من قيمة وهقول دا تفصيلا كمان شويه
هتقولي يعني اي يامحمد كالسيوم حر
هقولك يعني اعتبر المرتبط دا هو المخرن واللي جاهز للشغل وفعال فعلا ويقدر يقوم بوظايف الكالسيوم هو الحر
🌻🌻🌻🌻🌻🌻
🌹 أهمية الكالسيوم ايه
👈 كالسيوم يعني أسنان اللي حضرتك شغال أكل بيها
👈 كالسيوم يعني عضم وصحة حديد
👈 تجلط الدم
👈 انقباض وانبساط العضلات
👈 بيحافظ على طبيعية دقات القلب
👈 ميتابوليزم الخلايا عن طريق تنشيط الإنزيمات
👈 بص م الاخر عشان ماتوجعش دماغك هو له دور أساسي في نقل وتوصيل الإرشارات العصبية، وبما اننا قولنا اعصاب يبقى كل الجسم ولكل الأعضاء والغدد والهرمونات وكله وكله يعني دا برنس العناصر
🌻🌻🌻🌻🌻🌻
🌸 مصادره اي طالما هو مهم كدا
👈 اتذكر اغنية يا أطفال ياحلوين اشربوا الحليب للصحة والقوة اسألوا الطبيب للاستاذ خالد مقداد
👈 طيب اجيب الصحة منين او عفوا اجيب الكالسيوم منين مهو لو حضرتك بتتفرج ع طيور بيبي كنت عرفت لكن عامل نفسك كبير اتفضل يافندم
👈 الحليب
👈 الزبادي
👈 السردين والسلمون
👈 الجبن
👈 الخضروات زي اللفت والجرجير
👈 المكسرات زي اللوز والسمسم
👈 البقوليات والحبوب
👈 البيض
👈 الصويا
👈 البلح
🌻🌻🌻🌻🌻🌻
🌸 نسبته الطبيعية
عارفك وشايفك ياللي بتقول انا مستني البوست دا عشان اظبط النورمالات عندي ع جهازي، قشطة ياعم بس متنساش تبقى تراجع نورملات بامفلت الشركة اللي شغال بيها
الكالسيوم الكلي
Total
8.5 to 10.5 mg/dl
4.3 to 5.3 mEq/L
2.2 to 2.7 mmol/L
دا كلام عام
طيب حسب السن بقا
< 10 days: 7.6-10.4 mg/dL;
1.9-2.6 mmol/L
10 days-2 years: 9-10.6 mg/dL;
2.3-2.65 mmol/L
Child: 8.8-10.8 mg/dL;
2.2-2.7 mmol/L
Adult: 9-10.5 mg/dL;
2.25-2.62 mmol/L
ومع الكبار في السن هيقل بردو
طيب الكالسيوم الحر
Newborn: 4.2-5.58 mg/dL
1.05-1.37 mmol/L
2 months-18 years: 4.8-5.52 mg/dL
1.2-1.38 mmol/L
Adult: 4.5-5.6 mg/dL
1.05-1.3 mmol/L
🌻🌻🌻🌻🌻🌻
🌸 أسباب ارتفاعه في الدم اي
في تلت رجالة شغالين ينظموا في معدل الكالسيوم
Parathormon
Calcitonin
Vitamin D
هنلاقي الكالسيوم عالي ف الحالات دي
👈 أشهر سبب وهو زيادة إفراز هرمون الباراثورمون من الغدد الجاردرقية الأربعة
Hyperparathyroidism
👈 بعض الأورام زي
Lung cancer and breast cancer
👈 عدم الحركة لمدة طويلة
👈 احيانا في الفشل الكلوي
👈 احيانا مع hyperthyroidism
👈 مشكلة وراثية metabolically
👈 زيادة فيتامين د
👈 زيادة نسبة الكالسيوم ف الغذا
👈 الجفاف الشديد
👈 بعض الأدوية زي الليثيوم ومدرات البول
ف بالله عليك لو لاقيته عالي وحداشر واتناشر واربعتاشر سيبه زي ماهو طالما متأكد وبلاش الفهلوة وتعديل النتيجة لان له أسبابه الفعلية زي ماقولت
🌻🌻🌻🌻🌻🌻
🌸 طيب هحس بإيه لو عالي
👈 بص هو لو عالي حاجه بسيطة مش هتاخد بالك بس لو ارتفع بقا ممكن تحس بالآتي
👈 صداع واجهاد
👈 هتعطش اوووي وتتبول كتير
👈 وجع ف جنبك من ورا مكان الكلية كدا
👈 ترجيع
👈 امساك
👈 مفيش شهية للأكل
👈 وجع في بطنك
👈 دقات قلبك مش هتبقى منتظمة
👈 هتحس بشد عضلي وكرامبات
👈 وجع في عضمك وممكن ادخل في هشاشة واتكسر بسهولة
👈 هتكتئب وتفقد الذاكرة وتدخل في غيبوبة
👈 بس كدا حاجات بسيطة مش حوار يعني
🌻🌻🌻🌻🌻🌻
🌸 اسباب انخفاضه اي
👈 اشهر سبب لوقوع الكالسيوم هو انخفاض هرمون الباراثورمون مع hypoparathyroidism
👈 مش بتاخد ما يكفي غذائيا من الكالسيوم ودي مشهورة مع العيال الصغيرة
👈 نقص فيتامين د
Dr
21:15
👈 بعض العدوات
👈 المجهود العنيف
👈 التوتر والقلق
👈 أدوية زي
phenytoin
phenobarbital
rifampin
👈 اضطراب واختلال مستويات الماجنيسيوم والفوسفور
👈 أمراض الكلى
👈 مشاكل الامعاء اللي بتمنع امتصاصه زي امساك او اسهال
👈 تغييرات هرمونية ودي مشهورة عند الستات
👈 بعض الأمراض الوراثية
👈 إلتهاب البنكرياس
👈 نقل دم كتير
👈 مع متلازمة Hungry bone syndrome ودا حوار كدا بيحصل لما بتعمل جراحة عشان كان عندك
hyperparathyroidism
🌻🌻🌻🌻🌻🌻
🌸 طيب هحس بإيه لو قليل
👈 تقلصات او تنشنجات عضلية وشد
👈 النسيان
👈 تنميل الايدين والرجلين
👈 اكتئاب وهلوسة
👈 ضوافرك هتقع وتتكسر بسهولة
👈 عضمك هيتكسر بسهولة
👈 الشعر هش ونموه بطئ
👈 اختلال ف ضربات القلب
🌻🌻🌻🌻🌻🌻
🌸 هو انا محتاج قد اي كالسيوم في اليوم
احفظ الارقام دي مهمة اوي
بالنسبة للعيال الصغيرة فالمعهد الدولى للصحة
the National Institutes of Health (NIH)
قال
0-6 months 200 mg
7-12 months 260 mg
1-3 years 700 mg
4-8 years 1,000 mg
9-18 years 1,300 mg
وبالنسبة للكبار فهيئة الغذاء للولايات المتحدة
the U.S. government’s dietary guidelines
قالت عن الرجالة
19-30 years1,000 mg
31-50 years1,000 mg
51-70 years1,000 mg
71 years and up1,200 mg
وقالت عن الستات
19-30 years1,000 mg
31-50 years1,000 mg
51-70 years1,200 mg
71 years and up1,200 mg
🌻🌻🌻🌻🌻🌻
🌸 بيتحلل إزاي التوتال وبيتحلل ازاي الفري
👈 الكالسيوم بيتحلل بأكتر من طريقة ابسطها في معاملنا على جهاز الكيميا وبالطريقة اللونية عن طريق تفاعل الكالسيوم مع o cresolphthalein في وسط قلوي ويتكون مركب بنفسجي بيتناسب لونه طرديا مع تركيز الكالسيوم
👈 الطريقة التانية ودي ادق طبعا، طريقة المقياس الضوئي اللهبي
Flame photometer
وهي ان ذرة العنصر لما تثيرها باللهب تصدر طاقة ضوئية بشكل فوتونات لها طول موجي معين خاص يتناسب شدة الضوء الصادر مع عدد الذرات المصدرة له وبالتالي تركيز الكالسيوم
👈 الكالسيوم المتأين بيتقدر بتقنية
ISE ion selective electrode
جهاز يعمل بتقنية انه فيه اليكترود بيقيس الأيونات الموجبة او السالبة دون أي تأثير خارجي لمواد دايبة
🌻🌻🌻🌻🌻🌻
🌸 قصة المعادلات الكتير اللي بتطلع الكالسيوم الفري دي وبدايتها ونشأتها واستخدامتها وصحتها مع كل الحالات
بص ياسيدي انا اعرف تقريبا حداشر معادلة للكالسيوم المتأين
بس قبل ما أقولك عليهم هقولك ع اكتر من نقطة
👈 اول بحث طلع من باحثين ووجدوا معادلة كان سنة ١٩٣٥ وللاسف اثبتت فشلها وبعدها توالت المعادلات لحد آخرهم سنة ٢٠٠٨ وبردو فشلت
👈 كل المعادلات فشلت واكبر سبب منطقي لفشلهم ان في الرياضيات مفيش او لا يجوز وجود اكتر من طريقة حساب لمتغيرات
👈 المعادلة فيها متغيرات كتير والمتغيرات دي مرتبطة بحالة المريض فمينفعش اثبتها في معادلة عامة لكل المرضى
ولان المعادلة الأساسية بتاعتنا بتقول
Total calcium = free calcium + bounded calcium (anions bounded + proteins bounded)
فالموضوع مقعد اوي ومختلف من شخص لشخص
👈 والسبب اننا بنشتغل بالمعادلات ، ببساطة لانها سهلة وسريعة ومش مكلفة عن إجراء التحليل الفعلي، لكن خطأ شديد طبعا
👈 المعادلات كلها خطأ
👈 المعادلة الوحيدة الصحيحة والمعتمدة بتاعة تصحيح الكالسيوم الكلى لو الالبيومن قليل عن اربعه، لكن الكالسيوم المتأين ملوش معادلات
👈 الطريقة الوحيدة لإجراء تحليل الكالسيوم المتأين هو على جهاز بيشتغل بتقنية
ISE
Ion selective electrode
👈 اه من حق مش هبعت ولا هقول ع المعادلات اياها، اه صحيح دي اجتهادات وأبحاث لعلماء مش عيال صايعة بس بردو لا زالت تحمل الخطأ
🌻🌻🌻🌻🌻🌻
🌸 الحالة الأولى
Low total calcium
Normal free calcium
الحالة دي اسمها
pseudohypocalcemia
يعني انخفاض كاذب للكالسيوم
اه ممكن تكتبها في كومنت حلو كدا ودا هنرجع سببها ل
hypoalbuminemia
اللي لاي سبب بقا مشكلة كبد او كلى
🌸 الحالة التانية
Normal total calcium
Low free calcium
هتقابلها مع الحالات دي
Acute respiratory alkalosis
Chronic respiratory alkalosis
Hyperventilation
Bicarbonate administration
Renal failure
Cardiac failure
Postsurgery
Burns
🌸 الحالة التالتة
High total calcium
Normal free calcium
الحالة دي اسمها
Pseudohypercalcemia
وهتلاقيها مع
Hyperalbuminemia
Multiple myeloma
Increased vit D
🌸 الحالة الرابعة
High total calcium
Low free calcium
بسبب
Iatrogenic causes
دوا وكدا
🌸 الحالة الخامسة
Normal total calcium
High free calcium
هنلاقيها مع
Hypoalbuminemia
Hyperparathyroidism
Acidosis
Sarcoidosis
🌸 الحالة السادسة
Low total calcium
High free calcium
بسبب
Iatrogenic causes
Dr
21:15
🌻🌻🌻🌻🌻🌻
🌸 العينة المطلوبة سيرم كتب قالت مش شرط صيام وفي كتب قالت صيام ست ساعات
محمد سليم ٢٠٢١
Dr
31 December 2021
ع
17:32
علم التحاليل المخبرية
Comments
Post a Comment
اكتب تعليق حول الموضوع