كثير من الناس سبقلهم سمعو بمرض les oreillons ولكن أشنو هو بالضبط؟

 مرض فيروسي يؤدي إلى إلتهاب الغدد اللعابية و هو مرض كيعادي، كينتقل عن طريق الهواء  باستنشاق قطرات اللعاب اللي خرجات من شخص مصاب، كينتشر أكثر في فصل الشتاء.

 أشنو الأعراض ديالو؟

 انتفاخ أسفل الحنك (شكل الوجه بحال الإجاصة)

ارتفاع ممكن  فدرجة الحرارة

آلام في الأذن..

فبعض الحالات يقدر هاد المرض يعطي التهاب الخصيتين، أو التهاب البنكرياس، و أحيانا التهاب السحايا (la méningite)

 أشنو العلاج ديال هاد les oreillons؟

 المرض بصفة عامة ماشي خطير، و العلاج كيكون على حساب الأعراض، و لكن l'antibiotique ماشي بلاصتو هنا..

في حالة الإصابة خاص الطفل مايمشيش للمدرسة باش ميعاديش وليدات آخرين. 

 الوقاية ممكنة بوجود لقاح خاص (غير مدمج حالياً في الجدول الوطني ديال اللقاحات في القطاع العمومي) سولو عليه طبيب الأطفال ديالكم..