ننصح أطبائنا الأعزاء بعدم إستعمال العاطفة في تحرير وصفة تحليل  test antigénique  et  sérologique 

فهذا التحليل جد حساس و معقد و تحديد أيام ظهور العدوى

جد مهم فالنتيجة الحقيقيقة هي من خلال الوقت الصحيح في سحب العينة لتفادي النتائج  السلبية الخاطئة 

لذلك وجب على جميع زملائنا تفهمنا من الناحية العلمية 

وهذا توضيح مبسط حول هذا التحليل الهام جدا . 

 السلام عليكم .......حبيت ندير test sérologique..

 و عليكم السلام .. خويا ، عندك ordonnance !

▪ لالا، مارحتش عند الطبيب حسيت بلي عندي الأعراض دونك جيت نشوف اسك راني بوزيتيف ولا لالا .. 

 وقتاش بداوك الأعراض ! 

 واحد 3 ولا 4 أيام هكاك ..

  خويا فهاد المدة test serologique ماراح يبينلك والو لازم دير يا pcr يا test antigènique..

 وعلاه واش الفرق !!

 اصبر دوك نفهمك اخي/أختي..

  Le test antigènique /pcr :

نديروه في المراحل الأولى تع المرض تزامنا مع الأعراض (حمة/ سعال/إسهال/ سيلان الأنف ...) يعني غير تحس الأعراض ديرو ماشي حتى يجوز عليهم الدهر  .....

 إذا بطيت باش دير هاد التاست راح يخرج negatif (و العكس صحيح لانو اذا درتو مبكرا تان يخرج négatif) وانت فهديك اللحظة تخرج فرحان و تتحسبلك صح ماراكش مريض بكورونا

 و تقول لداركم قلتلكم بلي لكليماتيزوغ ضرني  ألوغ راك قادر تكون positif برك ما درتوش في المدة المحددة ديالو إللي تبدا منذ بداية الأعراض إلى اليوم السابع 7j.. 

 هاد التاست سريع و فعال بالنسبة للمرضى حاملي الفيروس و يكون بأخذ عينة من الحلق أو الأنف => prélèvement nasopharyngé 

 Le test sérologique :

يكون بأخذ عينة من الدم ، و يستدعي البحث عن الأجسام المضادة les anticorps IGg, IGm و يخليك تعرف اسك كنت مصاب بالفيروس سابقا ( سطرولي عليها بالأحمر و لونوها بالاصفر )

 يعني بالعموم ماشي باش تعرف إذا هدا وين مرضا ولاّ لالا وتانيك يخليك تعرف اسك تحصلت على المناعة أو لا 

، كيما يخليك تعرف تركيز الأجسام المضادة إللي راح دافع عليك في حال التعرض للفيروس من جديد .. و من المستحسن نديرو التاست 14 يوم بعد ظهور الأعراض

 ( لكن شفنا ناس ما بانولهمش الأجسام المضادة حتى بعد شهر و كاين لي كثر ،  يعني chaque cas est un cas.. ما نقدروا نديرو تعميم لحد الساعة ).. 

المغزى تع القول: مكلاه تعيي روحك و لا تخسر دراهمك و دير لاناليز تع الدم كوفيد19 بمجرد ظهور الأعراض لانو راح يخرج négatif .. وتزيد تفرح و ماديرش احتياطاتك بعدم حجر نفسك عن محيطك أو وضع الكمامة و تعدي ناس بريئة 

شفنا بزاااااااااف ناس هكا ،حتى وين عائلات بأكملها راحو ضحايا .. 

  ملاحظة 1: إذا كانت لاشاغج تع الفيروس كبيرة يمكن للجسم ان يطور الأجسام المضادة Igm مبكرا و تزامنا مع الأعراض يعني في الحالات الحادة .. وهنا نقدرو ندتيكتيو الإصابةمبكرا 

  ملاحظة 2 : كي الإنسان يبرى.. التاست الوحيد إللي يبقى بوزيتيف هو   test serologique Igg, Igm يعني تع الدم.. أما le test antigènique يولي negatif ( تع النيف و الحلق )

   ملاحظة 3 :اذا كنت تمتلك الأعراض و نتيجة التحاليل كانت  سلبية هذا لا ينفي عدم إصابتك بالفيروس ..