. ادوية SGLT2 inhibitor او المتعارف عليها الادوية اللي بتنزل سكر في البول

 . مجموعة قوية جدا وصاعدة مش في مجال السكر فقط ولكن في مجال امراض القلب كمان.

.. زي الفورسيجا forxiga و جارديانس jardiance و مليتوفيكس mellitofix والبدايل المنتشرة زيهم.

.. بس خد بالك.

.. خد بالك.

.. غير مصرح بااستخدامها بالنوع الاول من السكر.

.. اخدت تصريح فترة من سنتين واتسحب منها بصورة قاطعة من FDA في النوع الاول بعد ماشافوا اثر عكسي خطير في 101 حالة مسجلة اسمها euglycemic ketoacidosis.

.. يعني تكون اسيتون وحموضة دم علي سكر طبيعي.

.. تلاقي مريض سكره طبيعي وبطنه بتتقطع وبيرجع ونفسه سريع.

.. عمر مايجي في بالك ان دا اسيتون.

.. ازاي سكر طبيعي واسيتون.

.. لان مع النوع الاول مافيش انسولين في جسمه وبالتالي الادوية دي بتنزل السكر في البول فالجسم بيضطر يدور علي مصدر بديل للطاقة بيكسر الدهون ويطلع احماض منها الاسيتون ومع عدم وجود انسولين داخل الجسم ومع تقليل جرعة الانسولين الخارجي بيسبب حمَوضة بالدم.

..ممكن تشوف درجة حموضة ph اقل من 7 والبيكارب اقل من 5 والسكر عادي 140 مجم.

.. لو مش حد متمكن في حالات السكر جداااا هتفوت منه.

.. بالفعل اكتر من زميل حكالي السيناريَو دا.

.. اول حاجة بتيجي في مخي بياخد SGLT2 inh وفعلا بيجي الجواب ايوه اخرهم حالة مع واحد زميلنا اللي انقذها انه شاف علبة الدوا في شنطتها وهي بتخرج بطاقتها عشان تتحجز وهو عارف انها نوع اول سكر علي انسولين.

... بلاش ياجماعة نركب تريندات مش عارفين اصلها وبلاش اي حد يقولك دا دواء فتاك معموله دعاية فظيعة نصدقه.

.. هو دواء كويس جدا بس في اطاره الصحيح.