💡اختبار فحص السكر التراكمي

Hemoglobin A1C

•خلونه نبدأ بمعلومات الها علاقة بموضوعنة .

عمر ال RBC هو 120 يوم .

داخل خلايا RBC يوجد الهيموغلوبين ، طبعا وظيفتة مهمة لنقل الاوكسجين ، داخل كل خلية يوجد عدد بالملايين من الهيموغلوبين .

كريات الدم الحمراء طبعا تمشي بالدم واحنه نعرف ان بالدم اكو كمية من الكلوكوز ونعرف الطبيعي هو 70-110 mg/dl بالانسان الطبيعي ،

فالفكرة هي ان هذا المستوى الطبيعي بالدم اذا ازداد عن حدة بكميات كبيرة راح يبدا يتراكم ع الهيموغلوبين !

فالهيميوغلوبين الي ارتبط بالكلوكوز هو اسمه A1C الي هو التراكمي يعني تراكم ع الكلوكوز ،

🔸طبعا ليش سموه تراكمي ؟

لان يتراكم ع مدى طويل.!

يعني عمر RBC هو 120 يوم يعني 4 اشهر فخلينه نفترض 3 اشهر مثلا

فعلى مدى 3 اشهر بامكان نعرف كمية الكلوكوز الي تراكمت من الهيموغلوبين . خلال 3 اشهر الفاتت الطبيعي هو اقل من 6.5%

يعني 6.5% من كل الهيموغلوبين الموجود داخل ال RBC هو الي يتراكم علية الكلوكوز !

💡خلينة ننطي مثال حتى تفهم !

خلي نفترض بغرفتك اكو طاولة نظيفة وانت سافرت وتركت الشباج مفتوح بهذه الغرفة ورجعت وره شهر شفت الطاولة نظيفة هذه دلالة ع ان الجو بالشهر الي فات كان غير مغبر واذا سافرت ورجعت بعد شهر ولكيت الطاولة مليانة غبار واتربة دلالة على ان الشهر الي فات كمعدل مترب ، فنفس الفكرة

لمن يجي مريض ونفحصلة الهيموغلوبين وشفته مرتبط بيه كمية معقولة من الكلوكوز راح نكول هذا الانسان طبيعي واذا كان عالي فنكول الكلوكوز عنده كان عالي فتراكم

زين ؟ هل يمكن هذا الرقم 6.5 % يصير صفر ؟

يعني السكر التراكمي يصير صفر ؟ يصير ؟

-اكيد لا لان مستحيل الانسان خلال هذه الفترة يكون صفر معناها الانسان ميت الا اذا كان عندة الكلوكوز طبيعي من 70-110 هذه وجوز من ياكل يصل لل 170 فدائما هنالك كلوكوز طبيعي فالنسبة التراكمية طبيعية واذا كان الكلوكوز عالي فالنسبة عالية

ملاحظة / القيمة الطبيعية للسكر التراكمي 6.5% اذا زاد دلالة على السكر متراكم بكميات كبيرة بالدم خلال الفتره الفائتة .

وايضا كل ما زاد هذا العدد الطبيب راح يفكر ان المريض يتعرض الى مرض السكري واذا كان المريض عندة مرض سكري وهذا الرقم ازداد دلالة على ان المريض عندة سكري نسمية pol control يعني غير مسيطر علية بشكل جيد وايضا كل مازاد صار 8 ، 9 ، 10 % دلالة على ان المريض يمكن يتعرض الى مضاعفات مرض السكري مثل الجلطة الدماغية او بالقلب او مشاكل بالاعصاب فهذا الرقم ينطي دلالة على مدى سيطرة على السكر

او مدى الحاجة الى اضافة ادوية مرض السكري او تقييم اداء الادوية .

ومرات المريض نوصفله دواء ما يلتزم بيه فهذه دلالات نكدر نقيم مرض السكري .

اما اذا كان المريض لا يعاني من السكري وهذا الرقم عالي فهذه دلالة على ان بعد فتره راح يصير عندة سكري !

عافانا الله وعافاكم

Dr

ع

23:07

علم التحاليل المخبرية