اليوم في الصيدلية صارو معاي زوز مواقف يدلو على الفرق ما بين المتعلم و الجاهل
الأول كان مع شيباني عمره تقريبا في الستينات
قالي يا ولدي انت طبيب ولا صيدلي المهم قتله طالب طب في آخر مادة ان شاء الله قالي معناها طبيب
قالي عندي شوية أسئلة على dulcolax كيف يخدم و على شن يخدم و امتى نقول على روحي عندي امساك و امتى نخاف منه وشن اسباب الإمساك وكيف علاجه
المهم حاولت بقدر الإمكان نجاوبه وشرحتله على الدواء وكيف يخدم وشن اسباب الإمساك المهم الشيباني دعالي دعوتين بارك الله فيه وطلع وخلي أثر طيب
وبعتالي يجي المثال الجاهل
كنت نشوف في بنت عمرها جو 6 سنين جايبها بوها عندها طفح جلدي قعدت نشبح فيه وحاولت انه نعرف السبب ونشرح للراجل وقتله ما نقدرش نشخص لانه ممكن يكون فيه عدة اسباب ووصيته انه يمشي مستشفى الجلدية #العام
علي جية الراجل الجاهل والمشكله عمره في التلاتين اول حاجة قالها تي مافيش طب في ليبيا شن يرفعها للعام قاله اني ما نعاينش اهني بكل طول نمشي لتونس ولا نمشي للأردن تي الطبي ما نرفعلاش حتى قطوس
المهم تعوذت من الشيطان وعرفت انه في عقليات متخلفة خليناه اني والراجل يكمل كلامه و طلع و بعدها كملت شرح للراجل كأنه ما خش حد وعطيت للراجل دواء للحكة لبنته باش تقدر ترقد الليله واتفقنا انه غدوة بيرفعها للمستشفى
No comments:
Post a Comment
اكتب تعليق حول الموضوع