الأمراض المزمنه في رمضان

نبدأ بالسكر وتظبيط العلاج في رمضان وهنبدأ بالنوع التاني 

** لو ماشي على سيدوفاج أو جلوكوفاج (ميتفورمين) هيظبط الجرعة أزاى 

١- لو بياخد مرة واحدة يوميا هياخد نفس الجرعه بعد الافطار 

٢- لو بياخد مرتين يوميا هياخد نفس الجرعة بعد الافطار والسحور 

٣- لو بياخد ٣مرات يومياهياخد تلتين الجرعة بعد الافطار وتلت بعد السحور....بمعنى لو بياخد ٣ أقراص هياخد قرصين بعد الافطار وقرص بعد السحور 

٤- لو بياخد ميتفورمين ممتد المفعول زي glucophage xr 1000mg قرص بعد الفطاروالعشا هياخد القرصين مرة واحدة بعد الافطار

تاني مجموعة معانا اسمها الsulphonyl urea مشكلتها أنها ممكن تسبب هبوط في السكر 

* زي دوانيل -أماريل- دياميكرون- دولسيل 

ودي يفضل استبدالها بمجموعة أخرى لا تسبب الهبوط 

* لو المريض ماشي على حاجة منهم فهيكون النظام كالأتي

١- لو بياخد قرص قبل الفطار في العادى هياخد في رمضان نفس الجرعة قرص قبل الافطار

٢- لو بياخد sulphonyl urea ومعاه ميتفورمين زي ( اماريل ام - جلوكوفانس-جليبوفين)وبياخد قرص قبل الفطار والعشا في الايام العادية هياخد في رمضان نفس جرعة الفطار قبل الافطار ونصف جرعة العشا قبل السحور

٣-لو بياخد دواء من مجموعات تانية زي جلفس- جانوفيا-جليبتس - Acarbose( جلوستين او اكتوس) - فورسيجا او جارديانس هياخد نفس الجرعة قبل الأفطار