كيفية تشخيص القولون العصبى
أولا الطبيب بيتعرف على الأعراض اللى المريض بيشكو منها ،وبيتأكد من ارتباطها بالإصابة بالقولون العصبى ،ده لو الأعراض واضحة واستمرت على الأقل 3شهور فبيشخص على أساسها إنه قولون عصبى ....
طب لو الأعراض مش واضحة أو إن فيه أعراض مصاحبة أو إن الدكتور شاكك فى مرض تانى ،فبيلجأ لمجموعة من الفحوصات والتحاليل عشان يستبعد من خلال نتيجتها أى مرض تانى ،،،من الفحوصات والتحاليل ديه ::
الفحص الجسدى :الطبيب بيقوم بفحص انتفاخ البطن ،والاستماع للأصوات الصادرة عن البطن بواسطة سمّاعة الطبيب.
معرفة التاريخ الطبى للمريض وعائلته:
وده بيشمل تحديد الأدوية ونوعية الطعام الذى يتناوله المريض،وأخذ التاريخ العائلى المرضى للإصابة بالمشاكل والأمراض الهضمية ،والتاريخ الطبى الشخصى للإصابة بمشاكل صحية متعلقة بالقولون العصبى ..
تحليل البراز :يتم اللجوء إلى فحص البراز للكشف عن احتوائه على الدم ،أو أى من علامات الإصابة بالعدوى والأمراض الأخرى .
تحليل الدم :بيتم إجراء تحليل الدم إلى الكشف عن الإصابة بالأمراض الأخرى زى :فقر الدم ،والعدوى،وأمراض الجهاز الهضمى .
كده شخصنا المرض طب إزاى هنعالجه بقى ؟؟
هقولك والله العلاج بينقسم لجزئين ....
أولاً:جزء خاص بطريقة العيش والحياة السليمة وده سبق اتكلمنا عنه ...
ثانياً :جزء خاص بالأدوية ....
تُستخدم مجموعة من الأدوية فى علاج القولون العصبى وكلها أدوية لتخفيف حدة الأعراض وليست لعلاجه بشكل جزرى......منها ::
مضادات التشنج (التقلصات):تستخدم للتخفيف من تشنج عضلات القولون ،وتساهم البكتريا النافعة فى الحفاظ على صحة الجهاز الهضمى .
المضادات الحيوية.
مضادات الاكتئاب :يمكن ان تساعد هذة الأدوية فى تخفيف أعراض القولون العصبى عند بعض الأشخاص .
فيه مكملات اسمها probiotics بتحسن الأعراض .
استخدام دواء لتليين البراز (لعلاج الإمساك)،ودواء يبطئ حركة الأمعاء .
ممكن برده نستخدم مكملات الألياف زى مكملات سيلليوم (metamucil)مع السوائل لأنها هتسا فى السيطرة على الإمساك .
أدوية مضادة للإسهال لو كان فيه زى مثلا (loperamide imodium).
أدوية مضادة للكولين ::
يمكن للأدوية زى ديسيكلومين (بنتيل)أن تساعد فى تخفيف تشنجات الأمعاء ..
طب هل للقولون العصبى مضاعفات ولا حاجة ؟؟
هقولك آه للأسف ::
الإمساك المزمن أو الإسهال ممكن يسبب البواسير .
هيسببلك اضطرابات فى المزاج (زى القلق والتوتر )
سبق وذكرنا كمان إنه بيسبب تغيب الناس عن العمل بمعدل يومين كل شهر وبيأثر على مجرى حياة
Comments
Post a Comment
اكتب تعليق حول الموضوع