جرثومة المعدة:
.
هي نوع من أنواع البكتيريا التي تدخل الجسم عن طريق الجهاز الهضمي عن طريق الأكل والشرب الملوث (خاصة أكل المطاعم)
وتسبب بعض مشاكل المعدة والجزء العلوي من الامعاء الدقيقة !
وأهمها قرحة المعدة والاثنى عشر تحديدا !
.
تقريبا أكثر من نصف سكان العالم مصاب بها وخاصة في مجتمعاتنا !
.
ومن أعراضها:
1- ألم أو ثقل بالمعدة (أعلى البطن)
2- الاحساس بالامتلاء
3- التجشوء
4- عدم الإحساس بالجوع
5- غثيان أو قيء
6- نقص بالوزن في بعض الحالات
7- ممكن بدون أعراض نهائي
.
ومن أشهر مشاكلها: التهابات وقرحة المعدة !
.
تنبيه مهم جدا:
الجرثومة لا تسبب بأي حال من الاحوال ارتجاع بالمريء
(حرقان الصدر والحموضة) يعني ليست من أسبابه !
.
التشخيص:
1- أفضل طرق التشخيص هي عمل التحليل عن طريق النَفَس (النفخ) (وهو أفضل تحليل في المتابعة)
.
2- عمل تحليل جرثومة في البراز (وهو في نفس مستوى تحليل النفس تقريبا)
(أي يكفي أي واحد منهما ... لأنهما تقريبا في الكفاءة على نفس المستوى)
.
3- تحليل الأجسام المضاد بالدم (وهذا غير محبذ بالمرة) (نصيحة بلاش تعمله أبدا إلا في حالات ضيقة جدا ويكون المريض وقتها محجوز بالمستشفى لسبب معين زي حالات النزف الحاد للجهاز الهضمي العلوي ... وهكذا ... لأن التحليل بيشوف الأجسام المضادة للجرثومة يعني مناعة الجسم للجرثومة مش الميكروب ذاته ! ونسبته غير دقيقة زي أول تحليلين ذكرناهم ! يعني ممكن يطلع إيجابي والمريض معندوش حاجة ! وممكن يطلع سلبي والمريض عنده جرثومة !!! يعني انساااااااه خالص !)
.
4- أخذ عينة من المعدة عن طريق المنظار (وهذه تكون آخر حل إذا لم تتحسن الاعراض حتى بعد العلاج وعند تكرار الإصابة بها مع استمرار الاعراض)
.
تنبيه مهم جدا جدا جدا:
1- لا يصلح تحليل الجرثومة رقم 1 و 2 إذا كنت مستمر على أدوية المعدة والتي تحتوي على مادة الأوميبرازول أو البانتوبرازول أو لانزوبرازول أو نفس المجموعة !
ولا بد من إيقاف العلاج لمدة أسبوعين حتى تتمكن من عمل التحليل بطريقة صحيحة !
((وفي الحالة دي ممكن ناخد علاج زي الفاموتيدين أو أدوية الحموضة الشراب وخاصة لو فيه أعراض لسه موجودة معانا تخص المعدة)
.
2- إيقاف أي مضاد حيوي قبل تحليل الجرثومة على الأقل ب 4 أسابيع !
(رقم 1 و 2 : التحليل بيكون سلبي رغم وجود الجرثومة فعلا ولكن تختفي بتأثير الأدوية)
(ركز على النقطتين دول علشان لما الدكتور يكتب لحضرتك تحليل تبلغه إنك بتاخد مضاد ولا لأ)
.
طرق الانتقال:
عن طريق الأكل والشرب مع سوء النظافة العامة أو الشخصية
(وخاصة عند الناس اللي معظم أكلها من المطاعم أو أكل خارج البيت زي الساندوتشات وهكذا (يعني الحاجات ال Hand made) أو اللي النظافة عندهم مش كويسة ومش مهتمين أوي بها)
.
ولا تنتقل بأي حال من الأحوال عن طريق التنفس !
.
من أسباب الوقاية منه (هتلاقي منها من سنة نبينا الكريم -صلى الله عليه وسلم-):
1- النظافة الشخصية والعامة للبيت
.
2- نظافة الأيدي (غسل الأيدي قبل الأكل وبعد الأكل وبعد الحمام سواء البول أو غيره)
.
3- قص الأظافر وغسل الأيدي بعدها
.
4- غسل الخضروات والفاكهة جيدا
.
5- تناول الخضروات والفاكهة بكميات كبيرة (الخضروات والفاكهة تكون أساسية كل يوم)
.
6- تناول فيتامين ج (vitamin c) (ويوجد في الجوافة. الفلفل. البقدونس والزعتر. الخضار الورقية الخضراء الداكنة مثل الكرنب ،القرنبيط ، البروكلي، ويوجد أيضا في البرتقال والليمون والكيوي، والباباز، والبازلاء (البسلة الخضراء) والفراولة، والطماطم -لكن كميات قليلة-)
.
7- الإقلال من الوجبات الخارجية قدر الإمكان (والأفضل منعها إن استطعت)
.
8- نظافة مصدر الماء (عن طريق أفضل مستويات الفلترة أو غلي الماء لمدة 5-10 دقائق وتركه يبرد ليكون جاهزا للشرب بعد ذلك)
.
9- الزبادي: لأنه يحتوي على بكتيريا نافعة وهي من أسباب الوقاية من الميكروبات الضارة في الجهاز الهضمي (وعلى فكرة سهل جدا تعمل الزبادي في البيت)
.
10- اللبن (اللبن الرايب)
.
العلاج:
العلاج ينقسم إلى قسمين
1- علاج المعدة مثل البنتالوك أو لانزور أو نيكسيوم أو أي دواء من نفس المجموعة
.
2- نوعان من المضاد الحيوي أو ثلاثة حسب تسلسل الحالة !
ونبدأ نوعين الأول مع علاج المعدة يعني 3 أنواع ! (مرتين يوميا)
(علاج المعدة يستمر لمدة 4 أسابيع على الأقل !
إنما المضاد الحيوي لمدة 7 أيام فقط !
وهنا في توضيح بسيط: المدة لها كذا رقم يعني 10 أيام أو أسبوعين ولكن مش أزيد من كدة نهائي !!
ولكن وجدوا حسب توصيات الكلية الملكية البريطانية إن الفرق بين ال 7 والباقي مش كتير ووجدوا إن 7 أيام أفضل من كذا اتجاه وخاصة إنه بيقلل من مقاومة البكتريا للمضاد الحيوي !)
.
وممكن يتكرر العلاج لو اتكررت الإصابة ! ولكن ضروري يتغير نوعية المضاد الحيوي كل مرة !
.
لكن ممنوع استعمال علاج من نفسك أو من صيدلي أو من أخصائي المختبر أو المعمل !
.
فيه نقطة هقول لحضرتك عليها إزاي تاخد العلاج بس احتفظ بها:
الجرثومة بتعمل ألم في المعدة وبتخلي المعدة لا تتحمل أي علاج !
والمضاد الحيوي طبيعي ممكن يعمل ألم في المعدة !
ودي مشكلة بعض الناس إنهم مش بيقدروا يكملوا العلاج بسبب النقطة دي !
ابدأ علاج المعدة الأول على الأقل لمدة أسبوع لحد ما المعدة تستريح وبعد كدة ابدأ المضاد الحيوي مع علاج المعدة زي ما قلنا قبل كدة !
(إلا إذا كان كل العلاج في حبة واحدة زي بعض الأدوية من الشركة المصنعة)
.
المتابعة:
طالما الجرثومة لم تتسبب في قرحة معدة أو اثنى عشر يبقى خد العلاج صح وانسى قصة الجرثومة طول حياتك !
ولكن لو ضروري تتابع يبقى أقل حاجة تعمل التحليل بعد 3 شهور من انتهاء العلاج !
(والفحص الوحيد المعتمد في الإعادة هو تحليل عن طريق النفس)
.
لكن ضروري جدا تاخد بال حضرتك من اللي قلنا عليه في خانة الفحوصات بالنسبة للتحليل والعلاج !
.
الأكل والشرب:
نصايح عامة للمعدة يعني مفيش حاجة بعينها ممنوعة (إلا الأكل الخارجي)
Comments
Post a Comment
اكتب تعليق حول الموضوع