Diabetes melitus ..(1)
هنبتدى ان شاء الله الكلام عن مرض السكر بداية من البوست ده للبوستات القادمة
بداية كده يعنى ايه مرض سكر ؟؟
هو بشكل بسيط عبارة عن حالة hyperglycemia مستمرة with or without symptoms
ولو هتظهر بدون اعراض بتظهر مع مرضى السكر النوع التانى لان بالمنطق النوع الاول مش هيكتشف وجود المرض الا بظهور الاعراض
والhyperglycemia بتظهر اما نتيجة نقص او عدم وجود انسولين او الحالة الاخرى وجود الانسولين بشكل طبيعى لكن مع وجود المقاومة ليه فمبيقدرش يدخل الجلوكوز للخلايا والانسولين مسئول عن دخول الجلوكوز جوا خلايا الmuscle والadipose tissue وفقط باقى الخلايا بيدخلها الجلوكوز بدون مساعدة الانسولين
يبقى بشكل عام كده انواع السكر (المشهورة) لان فيه انواع اخرى غير مشهورة
1) DM type (1)
نتيجة autoimmune disease تسبب ف تدمير خلايا البنكرياس المسئولة عن افراز الانسولين فبالتالى مافيش دخول للجلوكوز للخلايا فبالتالى يحصل hyperglycemia
وده ف الغاالب بيظهر مع الاطفال
2) DM type (2)
وده ف الغالب بيحصل نتيجة عدم قدرة الانسولين على ادخال الجلوكوز داخل الخلايا نتيجة مقاومة ليه وده السبب الرئيسى او لقلة افراز الانسولين فمش قادر يكفى ادخال كل الجلوكوز داخل الخلايا
3) Gestational diabetes
وده سكر بيحصل مع الحوامل وبيكون من نوع type 2 يعنى نتيجة مقاومة للانسولين فبردو مش بيقدر يدخل كل الحلوكوز داخل الخلايا فبتراكم الجلوكوز ف دم الحامل ويعمل المشاكل اللى هنتكلم عنها ف البوستات القادمة
###
فيه انواع اخرى لمرض السكر مش حابك تشغل بالك بيها لان اشهر ٣ انواع واللى هتشوفهم قصادك واللى كل واحد فيهم ليه علاج مختلف عن التانى هما ال٣ انواع دول واللى هنتكلم عنهم بالتفصيل ف باقى البوستات بعون الله
لكن قبل ما اقفل البوست ده لازم نفهم مع بعضنا كدا كام نقطة ..
اولها ..ان ف الانسان الطبيعى اللى مش مريض سكر ولا حاجة بيُفرز جوا جسمه شكلين من اشكال الانسولين
شكل اسمه الfasting insulin وده ان الجسم بيفرز كل شوية جرعة انسولين قليلة تحافظ على عدم ظهور حالة hyperglycemia ف الجسم ف فترات مافيهاش اكل عادى وده بيستمر خروجه على مدار ال٢٤ ساعة وبدرجات لا تسبب hypoglycemia ولا hyperglycemia بتناسق ربانى عظيم
والشكل التانى هو الbolus insulin وده الانسولين اللى بيفرزه الجسم مع الوجبات لما تاكل الوجبة بيطلع دفعات كبيرة من الانسولين مرة واحدة تغطى كمية الاكل اللى اكلتها بحيث ما يحصلكش لا hypoولا hyperglycemia
والشكل الطبيعى ده ماشى بتناسق تام بالتعاون مع الكبد علشان كده مهما اديت انسولين من برا عمرك ما هتقدر تحاكى الطبيعى اطلاقا زى ماهنقول بعد كده
ثانيا ..علشان تعالج مريض سكر سواء نوع اول او تانى لازم تدى العلاج اللى يناسب الحالتين دول مع بعض
حالة الfasting وحالة الbolus سواء كان انسولين ف مريض السكر نوع اول او كان حبوب ف مريض السكر نوع تانى او حتى ف الحمل
Comments
Post a Comment
اكتب تعليق حول الموضوع