يعني ايه اضطراب فرط الحركه وتشتت الانتباه ؟! (Attention-deficit/Hyperactivity disorder) واختصاره: ADHD

 

هو اضطراب نمائي عصبي بيسبب فرط الحركه وتشتت الانتباه 

ولازم ناخد بالنا ان الاضطراب ده بينقسم لشقين 

1- فرط الحركه'' Hyperactivity disorder ''

(Hd) 

وده نسبته  بتكون اكتر عند الولاد مقارنة بالبنات

2-تشتت الانتباه (ADD) 

''Attention-deficit disorder' '

وده نسبته بتكون اكتر عند البنات مقارنة بالولاد 

ايه ده اللي بتقوله ده هو مش اسمه مرض فرط الحركه وتشتت الانتباه زي مابيقولوا في المسلسل  وايه HD و ADD دول مش اسمه ADHD

 استنى بس وهفهمك 

- اولا هو مش مرض هو اضطراب نمائي عصبي

-ثانيا مش شرط ان الطفل اللي عنده فرط حركه(HD) يبقى عنده تشتت انتباه (ADD).. ولا شرط ان الطفل اللي عنده تشتت انتباه(ADD) يبقى عنده فرط حركه (HD)

اومال ليه بيقولوا فرط الحركه وتشتت الانتباه او  ADHD... كمططلح واحد طول الوقت  

ببساطه من غير تفاصيل مكلكعه 

لان مراكز الحركه في المخ  بتكون قريبه من مراكز التركيز في المخ وفي اغلب الحالات لما مراكز الحركه بتتأثر ويكون فيها مشكله بتأثر على مراكز التركيز في المخ فيبقى عنده كده اضطراب فرط الحركه وتشتت الانتباه  وأحيانا لا مش بتأثر  ف بيكون الطفل عنده اضطراب فرط الحركه (HD) أو اضطراب تشتت الإنتباه (ADD)